حد قالك ؟؟؟
حد قالك أد ايه بشتاق اليك
حد قالك اني عايشة بنور عنيك
طب تعرف انتا ف كل ليلة ازي بموت
عشان أشوفك او أسمع حتى ليك صوت
حد قالك؟؟؟يا حبيبي قد ايه أنا دايبة فيك
أد ايه بيزيد عزابي لما أسمع كلمة عنك
وأنا نفسي آجي ف حضن قلبك
وأشوفك ماددلي اديك ...
حد قالك عن عذابي
طب قالولك عن غيابي
لما بسجد وأدعي ليك
طب بلاش ....
قالولك ان كل الوشوش بشوفها انتا
إن كل كلمة يقولوها بسمعها بصوتك انتا
وأرسمك وأكتبها ليك ...
قالولك اني ضعيفة عشان بحبك
عشان بحاول أنسى حبك
حد قالك ؟؟؟
حد قالك اني مبقتش أميز حتى همسي
مبقتش عارفة حتى نفسي...
ما هي دي كمان بعرفها بيك ...
ويقولولك ما يقولولك
لا انتا جنبي ولا هشوفك
بس بحلم بس بيك
عارفة برضو انه حلم
عمره ف يوم ما هيبقى علم
ولا هبقى دقة قلب فيك
زي ما كنت زمان
ولا هيرجع اللي كان
ولو قالولك أيوة ماتت
وعلى شفايفها اسمك
وراسمة قلبك
وزي ما ياما عاشت
شايفة قدامها عنيك....
حد قالك ؟؟؟؟.....
ليست هناك تعليقات:
إرسال تعليق